星期四, 5月 08, 2008

索女陳巧文


FACE: "上星期全港市民變晒愛國分子,師奶妹妹仔晨咁早迫上街睇火炬手傳聖火。不過火炬手個個到一式一樣T恤短褲,好悶,好在當日有住支雪山獅子旗示威陳巧文(Christina),貼身 tubetop 21歲索女露住小蠻腰踩場出晒位。

原來陳巧文唔單只示威 tubetop 夠養眼,網友仲供出大批私相,三點式熱褲床照錫錫一次過清佢倉兼大起底,自由女神原來做過model兼webJ,索女都會發星夢。

一支雪山獅子旗,令呢位港大哲學系學生陳巧文,成為本地及國際新聞人物,網上更加瘋狂討論,人氣勁過傳奧運聖火火炬手。
港大哲學系學生陳巧文上街好激動,原來私生活亦好精采,俾男仔後擒兼露埋玉腿但求大家開心,workhard、playhard果然同普通港女好唔同,不過張相就有爆花遮住佢個尷尬位。

陳巧文高舉雪山獅子旗,自由烈女形象突出兼見報頻頻,最突出係每次上街都例必 tubetop 露腰出場,引起網上激講。 上星期五(3日)陳巧文上街示威,網上就出現她一輯共44張私相,三點式、露玉髀接吻瓣瓣齊。 自從相片曝光,討論更加激烈,有人大罵陳開放、有人就話愛 上這個惹火女。據熟悉港大校情的人士透露,陳巧文未變烈女前已頗受注目:「Christina(陳巧文)平時大學都好熱情,而且返學仲會超短裙,飛釘都成 日見啦。」

除了私相被公開,原來陳巧文更做過 model 兼 fungfung.net 網上節目,未讀大學就做model,陳巧文就話純粹貪玩:「我冇諗過入娛樂圈,做model就貪玩,阿爸想我專心讀書,所以咪辭!」

其實要出位唔一定要做明星,陳小姐今時今日,紅過好多歌星仔啦!"
發佈留言