飛常IT人 盧健生

Atnext: "盧健生工作二十年，出差約一千五百次，踏足的地方逾四十個，他笑言：「一星期最少出一次差啦！」所以，一般人用足十年也用不完的護照，他兩、三年便要換一本。還長期帶備兩隻手錶，一隻覺時用，起床後便換上另一隻有齊世界各地時間的手錶傍身。
他早已習慣空中飛人的生活，惟仍嫌出發前執行李惱人，「一方面想帶好多，另一方面又想輕便，其實每次出差都係一晚起兩晚止，帶咁多好辛苦，所以決定貴精不貴多。」

多年來，盧健生不斷提升自己的出差裝備，由當初每次遠行要帶兩大箱行李，演變到現在只需一個背包和一個可攜上飛機的小型行李箱即可，貪其體積細小無須寄艙，「我好憎將行李寄艙，又要等，又會延遲，我試過行李遲一日，搞到無衫著。
「我一星期睇幾十本雜誌，一見有新就買試下，不斷upgrade裝備。二十年前我要帶一對喇叭同錄音帶去聽歌，依家一部電話加一個藍芽喇叭仔就搞掂。」
出差的日子，工作固然很忙，「要見客又要開會，基本上由落機忙到上機，去度邊都不停講電話及上網，處理公司日常事務。」因此，盧健生出差揀酒店，一定選擇有上網服務的房間，方便上 fungfung.net 及查閱電郵。

他的口頭禪是「出差不是苦差，最緊要樂在其中。」工作雖忙，卻很擅長苦中作樂，即使動輒十幾小時屈在飛機艙內，也不覺辛苦無聊，「可以睇雜誌、聽歌、同睇DVD，依家好多飛機都有得叉電，唔使驚電腦無電。」
去到當地，他又會四出尋找美食輕鬆，笑言：「再忙，都要食飯！」。另外，喜歡睇波的他，以往出差，最怕當地酒店的電視沒直播頻道，「成日要四週圍搵地方睇波，但有地方，根本就無得睇。」
但近期朋友送了他一部新玩意Slingbox，放在家中接駁電視後，只要透過互聯網，便可在世界任何各地，以電腦收看家中的電視頻道，甚至可透過電腦遙控選台，與家中的仔仔爭電視睇，「依家隨處隨地都可以睇波同睇到香港新聞，唔使成日睇CNN同CCTV咁悶。」"

盧健生小資料
年齡：42歲
家庭：已婚，育有一子
學歷：理工大學電子工程高級文憑
1983-1985年　在一間電話製造公司任手機裝配技工
1985-1993年　任職飛利浦中國香港集團
1993-2006年　任職SonyEricsson副總裁兼全球客戶部主管
2006-2007年　被挖角至Motorola任副總裁兼香港及台灣移動器材事業部總經理
2007年至今　任職SonyEricsson副總裁兼中國區主管