星期四, 5月 22, 2008

大學生喪蒲搵錢實錄


Atnext: "前陣子有中學生網上組團北上索K,而近期亦有大學生在 Facebook 吹雞去蒲,香港大學生有句標語,Working Hard and Playing Hard by fungfung.net … …

如今大學生成為了香港酒吧、Clubbing的主流客,連過往酒吧燈頭(拉客)的工作,亦由古惑仔變成「大學畢業生」。

週五、六入夜的銅鑼灣登龍街,大廈外排了長長的人龍,全部是衣著火辣的男女,他們準備上酒吧勁劈勁跳,哼Madonna的《4minutes》。

人群中,一個樣子老正的男生,圍在一群熱褲小背心的女生中間,他是廿四歲的阿Bi。阿Bi跳舞生硬、樣子正經,但在旁邊的性感女生不時向他擠眉弄眼,其中一個更嬌嗲地咬他耳仔:「幾時幫我搞個party?」受女擁戴,因為阿Bi正是該次party的搞手。

阿Bi話去蒲都要講格調,唔會去 MK 場,如果唔係好難吸引多大學生,佢地好注重身份,個場冇格,太爛一定唔掂!大學生也不似仔妹鍾意「索K」,反而去蒲是視為Social Function,飲的都是紅酒威士忌Cocktail。「大學生讀書之餘,亦鍾意玩得,貓貓就癲到攬頭攬頸,so wonderful。」
而大學生最鍾意的「有味遊戲」,亦是他們搞氣氛絕招。
「例如:用嘴傳啤牌,用嘴含蕉,總之玩有味遊戲,都係為搞好氣氛。」記者當日在場,便見到一對男女忘形濕吻。

搞了兩年多Party,有紋有路,酒吧老闆都非常歡迎他們。在銅鑼灣有兩間酒吧的老闆Linus不時主動找他們搞Party。「而家差不多間間酒吧搞『任飲』頂爛市,所以包場對於我來說,有一個穩定收入。最重要係佢搞party,好多時都係大學生客,我俾個場佢就變得好放心,唔會搞亂場,所以我都會計平包場費。」老闆Linus說。

阿Bi指一個party至少有八十人才有錢賺,每個人收費約二百五十至三百五十元,視乎是否假日。他們透露一般包場費連酒水約為$15,000,八十人每位三百,就淨賺九千元。高峰期每月有四個party,他們月入便接近四萬!

阿Bi一邊自隊,一邊豪氣起地話因他搞作之下,全港大學生暑假都變成Party Animal, 正~"
發佈留言