atnext: "120，名字冷冰冰，但有本事令幾代人魂牽夢縈。它是全港唯一保留啡黃色藤木椅、黃色燈泡的戰後電車。上週，電車公司宣布全面翻新一百六十一輛電車，掀起 120尋訪熱。拿着照相機，游走於不同電車站，尋尋覓覓，只想沉醉在綠色鐵皮與昏黃燈光下，留住好時光。
望着進進出出的電車，眾裡尋他， 120始終芳蹤杳杳，時間一分一秒過去，十時三十分，車身還印着黃道益活絡油的 120，千呼萬喚，沿着德輔道西電車路徐徐駛入。早已苦候多時的電車迷歡呼一聲，拿着照相機，一擁而上。
剛自駕駛室步出的電車司機說，此情此景，見怪不怪，「佢哋好迷呢部車，搞到我揸親呢部 120，都好似中獎咁！其實部車唔單止唔會行固定路線，連我哋都要睇編更，先知係咪揸佢。」不確定的緣分遊戲，甚具玩味，他笑說有時「追叮族」會問他 120的行車路線，又會來回不斷搭，不肯落車，只要不影響其他乘客，他都會「隻眼開隻眼閉」。
《阿飛正傳》的世界
苦候個多小時，終於登上與別不同的 120。雖是大白天，但因天色昏沉，黃燈泡早亮着。時明時暗的昏黃燈光、映襯着車內的綠色鐵皮，以及一張張啡黃色的藤椅，就像走進時光隧道，來到《阿飛正傳》的電影世界中。「係咪好靚呀？」正在狂按快門的電車迷，一邊拍照，一邊對着記者問個不停。
「 120無固定行邊條電車線，要坐佢，好講緣分，唔係想坐就一定坐到，試過喺中環離遠見到，即刻落車追住佢，好在電車行得慢，實追到！」這種落車、追車、再上車，在布滿電車站的港島街頭，不難見到。廿六歲的李俊龍（ Eric），正是其中一個「追叮族」。
「我細個住跑馬地，依家住西灣河，都係電車軌旁邊，我阿媽話我好細個已經好鍾意電車，扭親計，一上車就收晒聲，萬試萬靈。」
他記憶中孩童時代的電車，正屬 120的款式，「我中學讀肇輝台嘅聖瑪加利書院，行路可到，唔使坐車，反而同朋友出街，同阿爸阿媽去拜年，都係搭電車，感覺上，搭親電車都係放假，特別開心。」小小車廂，記載了他的快樂童年，成為他尋找 120的動力，「電車公司之前分階段翻新及改裝現有列車，剩番 120無改動，應該珍惜。」
在迪士尼工作的 Eric，外表新潮，無懼「電車男」的稱號，還樂在其中。家住西灣河電車站旁還嫌不夠，他在五十呎的睡房內自設迷你「電車小鎮」，用不同物料自行搭建電車站、路軌、電纜系統，打造自家「叮叮王國」，務求一張開眼睛，就見到他最愛的電車！「以前細個無錢，用牙籤、軟尺同紙皮自製電車，依家出嚟做嘢，梗想擁有自己的電車隊！」
全港現時共有一百六十一架載客電車，七、八十年代，在市面行走的，主要是如 120一類的「戰後型」電車。
四九年香港製造的 120，車廂保留了當年的設計，一排排手織的啡黃色藤木椅、樓上樓下排列有致的黃色燈泡，統統只此一家，是全港唯一仍然未「退役」的戰後電車。只是，隱世電車王出車時間不定，想懷舊，就要看運氣。
120 靠着歷時達半世紀的設計，打動不同年代人的心。除了八十後的 Eric，作為五十後的收藏家協會副主席張順光（ Alan），同樣情迷 120，「七、八十年代，我仲係十八廿二，嗰時架架都係 120！大家點會唔記得間條木天花上面嘅金魚缸（黃燈泡），呢啲風味，白光管無得比。」
做測量師、住半山的 Alan，稱得上本地數一數二的電車迷，出版過有關香港電車歷史及收藏品的書籍，連郵政署發行首日封、電車公司徵求電車圖片或資料時，都要向他招手；又曾應邀主講歷史博物館的講座，講電車的歷史，儼如香港電車的活字典。
「我細個住荷李活道，阿婆住銅鑼灣，每到週六日，一定搭電車去探阿婆，同表兄弟一齊玩，當時唔好話皇后戲院未拆，太平呀、金陵呀，呢啲咁經典嘅戲院都全部喺度；六、七十年代，坐電車到上環，信德中心未起，仲可望到海，電車貼近臨海之濱行走，望出車窗，咩煩惱都無晒。 120碩果僅存，係好多代人嘅回憶，點都唔可以叮走！」他說。
香港電車公司上週宣布斥資七千五百萬元，全面翻新包括 120在內的一百六十一輛載客電車，以鋁合金取代古典的柚木車架，同時把下層兩排長椅改為獨立座椅，經典「三截棍」式車尾旋轉閘門則轉用活門。這是法資財團威立雅（ Veolia），今年二月自九倉手中全面收購電車公司後的「改革頭炮」，也是電車自一九八七年後，廿三年來首次進行大規模翻新工程，長遠有助減低維修的營運成本。
事實上，香港是全球唯一全雙層電車團隊，有熟知電車經營的商界中人就指， Veolia收購本港電車業務，只為進軍內地鋪路，「威立雅係運輸巨人，全球都有業務，依家上海同廣州都話要復建電車，香港係佢嘅落腳點，只係香港近年勁吹保育風，佢哋翻新，事前都做咗好耐準備工夫，一早邀請電車迷去車廠睇，唔似九倉咁封閉。」要將保育炸彈，變為進軍內地的金蛋，還看 120。"
望着進進出出的電車，眾裡尋他， 120始終芳蹤杳杳，時間一分一秒過去，十時三十分，車身還印着黃道益活絡油的 120，千呼萬喚，沿着德輔道西電車路徐徐駛入。早已苦候多時的電車迷歡呼一聲，拿着照相機，一擁而上。
剛自駕駛室步出的電車司機說，此情此景，見怪不怪，「佢哋好迷呢部車，搞到我揸親呢部 120，都好似中獎咁！其實部車唔單止唔會行固定路線，連我哋都要睇編更，先知係咪揸佢。」不確定的緣分遊戲，甚具玩味，他笑說有時「追叮族」會問他 120的行車路線，又會來回不斷搭，不肯落車，只要不影響其他乘客，他都會「隻眼開隻眼閉」。
《阿飛正傳》的世界
苦候個多小時，終於登上與別不同的 120。雖是大白天，但因天色昏沉，黃燈泡早亮着。時明時暗的昏黃燈光、映襯着車內的綠色鐵皮，以及一張張啡黃色的藤椅，就像走進時光隧道，來到《阿飛正傳》的電影世界中。「係咪好靚呀？」正在狂按快門的電車迷，一邊拍照，一邊對着記者問個不停。
「 120無固定行邊條電車線，要坐佢，好講緣分，唔係想坐就一定坐到，試過喺中環離遠見到，即刻落車追住佢，好在電車行得慢，實追到！」這種落車、追車、再上車，在布滿電車站的港島街頭，不難見到。廿六歲的李俊龍（ Eric），正是其中一個「追叮族」。
「我細個住跑馬地，依家住西灣河，都係電車軌旁邊，我阿媽話我好細個已經好鍾意電車，扭親計，一上車就收晒聲，萬試萬靈。」
他記憶中孩童時代的電車，正屬 120的款式，「我中學讀肇輝台嘅聖瑪加利書院，行路可到，唔使坐車，反而同朋友出街，同阿爸阿媽去拜年，都係搭電車，感覺上，搭親電車都係放假，特別開心。」小小車廂，記載了他的快樂童年，成為他尋找 120的動力，「電車公司之前分階段翻新及改裝現有列車，剩番 120無改動，應該珍惜。」
在迪士尼工作的 Eric，外表新潮，無懼「電車男」的稱號，還樂在其中。家住西灣河電車站旁還嫌不夠，他在五十呎的睡房內自設迷你「電車小鎮」，用不同物料自行搭建電車站、路軌、電纜系統，打造自家「叮叮王國」，務求一張開眼睛，就見到他最愛的電車！「以前細個無錢，用牙籤、軟尺同紙皮自製電車，依家出嚟做嘢，梗想擁有自己的電車隊！」
全港現時共有一百六十一架載客電車，七、八十年代，在市面行走的，主要是如 120一類的「戰後型」電車。
四九年香港製造的 120，車廂保留了當年的設計，一排排手織的啡黃色藤木椅、樓上樓下排列有致的黃色燈泡，統統只此一家，是全港唯一仍然未「退役」的戰後電車。只是，隱世電車王出車時間不定，想懷舊，就要看運氣。
120 靠着歷時達半世紀的設計，打動不同年代人的心。除了八十後的 Eric，作為五十後的收藏家協會副主席張順光（ Alan），同樣情迷 120，「七、八十年代，我仲係十八廿二，嗰時架架都係 120！大家點會唔記得間條木天花上面嘅金魚缸（黃燈泡），呢啲風味，白光管無得比。」
做測量師、住半山的 Alan，稱得上本地數一數二的電車迷，出版過有關香港電車歷史及收藏品的書籍，連郵政署發行首日封、電車公司徵求電車圖片或資料時，都要向他招手；又曾應邀主講歷史博物館的講座，講電車的歷史，儼如香港電車的活字典。
「我細個住荷李活道，阿婆住銅鑼灣，每到週六日，一定搭電車去探阿婆，同表兄弟一齊玩，當時唔好話皇后戲院未拆，太平呀、金陵呀，呢啲咁經典嘅戲院都全部喺度；六、七十年代，坐電車到上環，信德中心未起，仲可望到海，電車貼近臨海之濱行走，望出車窗，咩煩惱都無晒。 120碩果僅存，係好多代人嘅回憶，點都唔可以叮走！」他說。
香港電車公司上週宣布斥資七千五百萬元，全面翻新包括 120在內的一百六十一輛載客電車，以鋁合金取代古典的柚木車架，同時把下層兩排長椅改為獨立座椅，經典「三截棍」式車尾旋轉閘門則轉用活門。這是法資財團威立雅（ Veolia），今年二月自九倉手中全面收購電車公司後的「改革頭炮」，也是電車自一九八七年後，廿三年來首次進行大規模翻新工程，長遠有助減低維修的營運成本。
事實上，香港是全球唯一全雙層電車團隊，有熟知電車經營的商界中人就指， Veolia收購本港電車業務，只為進軍內地鋪路，「威立雅係運輸巨人，全球都有業務，依家上海同廣州都話要復建電車，香港係佢嘅落腳點，只係香港近年勁吹保育風，佢哋翻新，事前都做咗好耐準備工夫，一早邀請電車迷去車廠睇，唔似九倉咁封閉。」要將保育炸彈，變為進軍內地的金蛋，還看 120。"
